काठमाडौं । दक्षिण एसियाली ज्योषि महासंघ राष्ट्रिय समिति नेपालको आयोजनामा भएको ‘ज्योतिषीय ज्ञान वर्कशप’ सम्पन्न गरेको छ । २०७९ गते असोज ७ गते महासंघको कार्यालय डिल्लीबजारको सभाहलमा भएको ‘ज्योतिषीय ज्ञान वर्कशप’मा देशभरबाट २० जना ज्योतिषीहरुको सहभागी रहेका थिए । कार्यक्रममा ज्योतिषीहरुले आ–आफ्नो तर्फबाट विज्ञताको कार्यपत्र प्रस्तुत गरेका थिए । ज्योतिष ज्ञानसम्बन्धीका अनुभव सहित कार्यपत्र प्रस्तुत गरेर आफ्नो विधा अन्तर्गतका सामग्रीको महत्व र वर्तमान समयमा उपयोगिता बारे चर्चा गरेका थिए ।
वर्कशपमा ज्योतिषी देवराज गौतम उत्कृष्ट ज्योतिषका रुपमा पुरस्कृत भए । उनले प्रस्तुत गरेको कार्यपत्र लगायत सामग्री ज्योतिष विज्ञानका लागि उत्कृष्ट ठहर गर्दै निर्णायकहरुले उनलाई पुरस्कृत गरेका थिए । वर्कशपको निर्णायक मण्डलमा ज्योतिषी सुरेशप्रसाद शर्मा, ज्योतिषी विकास दाहाल र ज्योतिषी नवराज भट्ट (भट्ट गुरु) रहेका थिए ।