१९ पौष २०८१, शुक्रबार
प्रेमील गीत ‘मियो हौ तिमी मेरो मायाको’
Sabita Pokharel बुधबार, साउन ११, २०७९
गीतमा २५ वर्षे सफल प्रेममा रमाएको जोडीको कथा
काठमाडौं । राई इज किंङको रुपमा परिचित गायक राजेश पायल राई र सुमधुर स्वरकी धनि गायिका कल्पना राईको स्वरले सजिएको प्रेमील गीत मियो हौ तिमी मेरो मायाको’ भिडियो सार्वजनिक भएको छ । ‘राजेशपायल राई’ युट्युब च्यानलबाट दुई दिन अघि उक्त म्युजिक भिडियो सार्वजनिक गरिएको हो ।
गीतमा टिका चाम्लिङको शब्द र शान्तीराम राईका संगीत रहेको छ । गीतको एरेन्ज माहाराज थापाले गरेका हुन् ।
एक्सन स्टुडियोमा रेकर्ड गरिएको गीतलाई गोबिन्द सोनीले मिक्सिङ तथा मास्टरिङ गरेका हुन् ।
पवन बिक र सुवास कुठुमीले गीतका रेकर्डिष्ट हुन् ।
गीतको भिडियोमा पछिल्लो समयकी चर्चित मोडल मिरुना मगर, योगेन्द्र राईको प्रकाश राई र कल्पना कुन्जुको बेजोड अभिनय देख्न सकिन्छ ।
भिडियोमा २५ वर्षे वैवाहिक सम्बन्धलाई पुनः स्मृती गरिएको देखाइएको छ । भिडियोमा योगेन्द्रसँग मिरुना खुलेकी छिन् । एक प्रेमील जोडीको रमाइलो र सफल प्रेम कथा बोल्ने गीतको निर्देशन जस बहादुर याख्खा ‘जसु याख्खा’ ले गरेका हुन् भने सुरेश बसेलले कोरियोग्राफी गरेका हुन् ।
टिका चाम्लिङ र कल्पना राईको कन्सेप्टमा तयार भएको भिडियोलाई बिकास दहालले सम्पादन गरेका हुन् । नेपालबाट बुद्ध थापा, युकेबाट कुशल श्रेष्ठले भिभियो छायांकन गरेका हुन् । भिडियोको लागि सुरेश काफ्ले ड्रोन चलाएका हुन् ।
