०८ पौष २०८१, सोमबार
News of Global बुधबार, कार्तिक १०, २०७८
बागमती । उद्योग वाणिज्य सङ्घ मकवानपुरको अध्यक्ष पदमा कृष्णकुमार गुप्ता (अग्रवाल) आज विजयी हुनुभएको छ । सङ्घका पूर्वअध्यक्षसमेत रहनुभएका राजकुमार न्यौपानेलाई पराजित गर्दै अग्रवाल विजयी हुनुभएको सङ्घले जनाएको छ । गुप्ताले एक हजार २४६ मत र उहाँका निकटतम प्रतिद्वन्द्वी न्यौपानेले एक हजार १५५ मत प्राप्त गर्नुभएको थियो । सङ्घको ५४÷५५औँ साधारणसभा तथा अधिवेशनवाट गुप्ता तीन वर्षे कार्यकालका लागि विजयी हुनुभएको हो ।
गुप्ताको प्यानलबाट वाणिज्यतर्फको उपाध्यक्ष पदमा अनिल अग्रवाल र उद्योगतर्फको उपाध्यक्ष पदमा प्रमोदसिहं रानाभाट विजयी हुनुभएको छ । त्यस्तै वस्तुगत उपाध्यक्ष पदमा राजु अधिकारी र एशोसिएट उपाध्यक्ष पदमा उज्ज्वल चौलागाईं विजयी हुनुभएको बताइएको छ ।
