काठमाडौं । सामाखुशी रानीबारीमा भर्खरै मात्र संचालनमा आएको स्टार अटो कियर प्रा.लि.र बानियाँटार युवा समाजले संयुक्त रुपमा रक्तदान कार्यक्रमको आयोजना गरेको छ । स्टार अटोले आफ्ना ग्राहकहरुलाई मध्यनजर गर्दै बृहत रक्तदान कार्यक्रम आयोजना गरेको हो । लायन्स क्लब अफ काठमाडौं ब्लड सर्कल र लायन्स क्लब अफ काठमाडौं क्यापिटल टाउनको पहलमा स्टार अटो कियरको आफ्नै प्राङ्गणमा रक्तदान कार्यक्रमको आयोजना गरिएको थियो ।

काठमाडौं नगरपालिका वडा नं. ३ का वडा अध्यक्ष दीपक केसीको प्रमुख आतिथ्यतामा आयोजना भएको रक्तदान कार्यक्रममा महाराजगन्ज प्रहरी बृत्तका प्रमुख प्रमेश विष्टको विशेष आतिथ्यता रहेको थियो । काठमाडौंका हस्पिटलहरुमा ब्लडको अभाव भइरहेको बेलामा यसरी रक्तदान कार्यक्रम आयोजना गरी ब्लड संकलन गर्नु एकातिर मानव सेवा भएको र अर्कोतिर समाजलाई सक्रिय रुपमा उत्तरदायी भूमिका निर्वाह गर्न रक्तदान कार्यक्रमले महत्वपूर्ण भूमिका खेल्ने स्टार अटो केयरका अध्यक्ष धन बहादुर बस्नेतले बताए । कार्यक्रममा लायन्स क्लब अफ काठमाडौं ब्लड सर्कलका अध्यक्ष अनिलरत्न तुलाधर, गायक नवीन पौडेल, पत्रकार सुमन पण्डित, रानीबारी वन उपभोक्ता समितिका कार्यसमिति लगायत समाजका विशेष व्यक्तित्वहरुको उपस्थिति रहेको थियो । कार्यक्रममा उपस्थित अतिथिहरुलाई मायाको चिनोसमेत प्रदान गरिएको थियो ।