गोरखा । गोरखा जिल्ला आयुर्वेद स्वास्थ्य केन्द्र घैरुङ गोरखाले ज्येष्ठ नागरिकहरुलाई सम्मान सहित औषधी वितरण गरेको छ । केन्द्रमा सोमवार आयोजित कार्यक्रममा शहिद लखन वडा नम्वर ६ का ५० जना ज्येष्ठ नागरिकलाई खादा खोढाएर सम्मान गरि आयुर्वेदिक औषधी वितरण गरिएको हो ।
ज्येष्ठ नागरिक सेवा कार्यक्रम अन्तर्गत ६० वर्षभन्दा माथिका ज्येष्ठ नागरिकलाई औषधी वितरण गरिएको जिल्ला आयुर्वेद स्वास्थ्य केन्द्रका प्रमुख डाक्टर प्रशान्त पण्डितले बताउनुभयो । औषधी वितरण अघि सबै ज्येष्ठ नागरिकको स्वास्थ्य परिक्षण गरिएको थियो । उहाँहरुलाई रोग प्रतिरोधी क्षमता बढाउने खालका अौषधि बितरण गरियको थियो।
स्वास्थ्य केन्द्रसम्म आउन नसकेका ज्येष्ठन नागरिकलाई भने घरमै औषधी उपलब्ध गराइने पण्डितले बताउनुभयो । आगामी दिनहरुमा अन्य वडा र जिल्लाका अन्य पालिकामा पनि यसप्रकारको कार्यक्रम सञ्चालन गरिने उहाँको भनाई छ ।
आयुर्वेद केन्द्र ब्यवस्थापन समितिका अध्यक्ष रमेश श्रेष्ठको अध्यक्षतामा भएको कार्यक्रममा शहिद लखन गाऊँपालिकाका अध्यक्ष रमेश थापामगर, वडा नम्वर ६ का अध्यक्ष दिलिपनारायण थापा लगायतले मन्तब्य ब्यक्त गर्नु भयको थियो।